11.09.21 12:44
Tədbiri Şərur Rayon İcra Hakimiyyəti Aparatının ictimai-siyasi və hümanitar məsələlər şöbəsinin müdir müavini Kamal İsmayılov açaraq tədbirin mahiyyətindən geniş bəhs etmişdir. Tədbirdə Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi Aparatının ailə, qadın problemləri və gender məsələləri şöbəsinin müdiri Tarverdi Məmmədov, Əmək və Əhalinin Sosial Müdafiəsi Nazirliyi Aparatının sosial təminat və əlillərin sosial müdafiəsi şöbəsinin baş məsləhətçisi Araz İbrahimov və Təhsil Nazirliyi Aparatının orta ixtisas təhsili müəssisələri və peşə məktəbləri ilə iş üzrə şöbənin aparıcı məsləhətçisi Elxan Babayev çıxış edərək uşaqlara, o cümlədən xüsusi qayğıya ehtiyacı olan uşaqlara göstərilən diqqət və qayğıdan ətraflı bəhs etmişlər.
Tədbirdə Şərur rayonu üzrə 27 hər iki valideynini itirmiş və valideyn himayəsindən məhrum olan, 55 sağlamlıq imkanları məhdud və 15 xüsusi qayğıya ehtiyacı olan ailələrin uşaqları olmaqla, ümumilikdə 97 nəfərə məktəbli forması və dərs ləvazimatları verilmişdir.
Valideynlər onların ailələrinə göstərilən diqqət və qayğıya görə dövlətimizə minnətdarlıqlarını bildirmişlər.