Vənənddə dövlət qurumları müasir kənd mərkəzində fəaliyyət göstərəcək
13.01.20 22:56
http://aqupdk.nakhchivan.az/mtbuat-xidmti/xbrlr/873-2020-01-14-07-15-52.html?tmpl=component&print=1&layout=default&page=#sigProId4f0c441e02
Naxçıvan Muxtar Respublikası Ali Məclisinin Sədri Vasif Talıbov açılışı bildirən lenti kəsdikdən sonra binada yaradılan şəraitlə tanış olmuşdur.
Bildirilmişdir ki, kənd mərkəzində inzibati ərazi dairəsi üzrə nümayəndəlik, bələdiyyə, rabitə evi, polis sahə və baytarlıq məntəqələri, kitabxana, statistika otağı, mədəniyyət evi, o cümlədən Yeni Azərbaycan Partiyası Vənənd kənd ərazi ilk təşkilatı, arxiv və 58 yerlik zal yerləşir. Bütün təşkilatlar üçün müasir iş otaqları ayrılmış və lazımi invertarlarla təchiz edilmişdir. Kənd kitabxanasında 11 min 705 kitab vardır.
Yeni Azərbaycan Partiyası Vənənd kənd ərazi ilk təşkilatının sədri Məryəm Zeynalova demişdir ki, kənddə aparılan quruculuq işləri sakinlər tərəfindən minnətdarlıqla qarşılanır. Bu tədbirlər Yeni Azərbaycan Partiyası tərəfindən həyata keçirilib. Sakinlər partiya sıralarına daxil olmaq üçün müraciət edirlər. Hazırda ərazi ilk təşkilatının 366 üzvündən 121-i gənc, 219-u isə qadındır.
Rabitə evində poçt bölməsinin fəaliyyəti üçün hərtərəfli şərait yaradılmış, 568 yerlik yeni nəsil ATS quraşdırılmışdır. Kənddə 228 internet istifadəçisi vardır.