Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi

10.09.20 15:15

• 
• 
• 
•  

Bu gün Təhsil,  Əmək və Əhalinin Sosial Müdafiəsi nazirliklərinin və Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə Sədərək Rayon Təhsil Şöbəsində sağlamlıq imkanı məhdud, hər iki valideynini  itirmiş  və ya  valideyn himayəsindən məhrum, təkvalideynli, aztəminatlı, çoxuşaqlı, şəhid ailələrdən olan uşaqlara məktəbli geyimi və dərs  ləvazimatları paylanılmışdır.

Tədbirdə  2-si aztəminatlı, 15-i sağlamlıq imkanı məhdud, 1-i hər iki valideynini itirmiş ümumilikdə 18-i uşağa məktəbli forması və dərs ləvazimatları verilmişdir.

Tədbirdə  valideynlər  uşaqlara göstərilən  diqqət və qayğıya  görə  dövlətimizə minnətdarlıqlarını  bildirmişlər.