Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsi

12.11.20 19:02

• 
• 
• 
• 
• 
• 
• 
• 
• 
• 
• 
•  

Bu gün Naxçıvan Muxtar Respublikasının Təhsil,  Əmək və Əhalinin Sosial Müdafiəsi nazirliklərinin və Ailə, Qadın və Uşaq Problemləri üzrə Dövlət Komitəsinin və Culfa Rayon İcra Hakimiyyətinin birgə təşkilatçılığı ilə Culfa rayon Mədəniyyət Sarayında  sağlamlıq imkanı məhdud, hər iki valideynini  itirmiş  və ya  valideyn himayəsindən məhrum, təkvalideynli, aztəminatlı, şəhid ailələrdən olan uşaqlara qış geyimi paylanılmışdır.

Tədbirdə  2-si şəhid, 28-i sağlamlıq imkanı məhdud, 11-i hər iki valideynini itirmiş, 1-i təkvalideynli, 6-sı aztəminatlı ailənin uşağı olmaqla, ümumilikdə 48 uşağa qış geyimi verilmişdir.

Tədbirdə  valideynlər  uşaqlara göstərilən  diqqət və qayğıya  görə  dövlətimizə minnətdarlıqlarını  bildirmişlər.