11.09.21 12:40
Tədbiri Babək Rayon İcra Hakimiyyəti başçısının müavini Səbinə Hüseynli açaraq tədbirin mahiyyətindən geniş bəhs etmişdir. Tədbirdə Naxçıvan Muxtar Respublikası təhsil nazirinin müavini Heyran Əhmədova, Ailə, Qadın və Uşaq Problemləri üzrə Dövlət Komitəsinin sədr müavini Aytən Məmmədova və Əmək və Əhalinin Sosial Müdafiəsi Nazirliyinin Aparat rəhbəri Vüsal Süleymanlı muxtar respublikada, o cümlədən Babək rayonunda sosial qayğıya ehtiyacı olan ailələrin uşaqlarına göstərilən dövlət qayğısından bəhs etmişlər.
Tədbirdə Babək rayonu üzrə 20 hər iki valideynini itirmiş və valideyn himayəsindən məhrum olan, 75 sağlamlıq imkanları məhdud və 10 xüsusi qayğıya ehtiyacı olan ailələrin uşaqları olmaqla, ümumilikdə 105 nəfərə məktəbli forması və dərs ləvazimatları verilmişdir.
Valideynlər onların ailələrinə göstərilən diqqət və qayğıya görə dövlətimizə minnətdarlıqlarını bildirmişlər.