Maarifləndirici tədbir keçirilib

ÇapE-poçt

16.10.23 15:14

 

View the embedded image gallery online at:
http://aqupdk.nakhchivan.az/mtbuat-xidmti/xbrlr/2397-2023-10-16-11-20-30.html#sigProId8892fa25d6
2023-cü il 16 oktyabr tarixdə Naxçıvan Muxtar Respublikasının İcbari Tibbi Sığorta üzrə Dövlət Agentliyi və Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə “Sağlam cəmiyyətin formalaşmasında icbari tibbi sığortanın rolu və icbari tibbi sığortadan istifadə qaydaları” mövzusunda maarifləndirici tədbir keçirilib.
Tədbiri Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədri Ramilə Seyidova giriş sözü ilə açaraq keçirilən tədbirin mahiyyətindən və əhəmiyyətindən bəhs edib.
Naxçıvan Muxtar Respublikasının İcbari Tibbi Sığorta üzrə Dövlət Agentliyinin İdarə Heyətinin sədri Elnur İbrahimov icbari tibbi sığortanın, qanunun məqsədləri üçün istifadə edilən əsas anlayışlardan, tibbi sığortanın formalarından və icbari tibbi sığortanın əsas prinsiplərindən danışıb.
Daha sonra Naxçıvan Muxtar Respublikasının İcbari Tibbi Sığorta üzrə Dövlət Agentliyinin aparıcı məsləhətçisi Təranə Abbasova slayd üzərində çıxış edərək bildirib ki, tibbi sığorta sağlamlığın qorunması sahəsində əhalinin sosial müdafiəsi forması olmaqla, sığorta hadisəsi baş verdikdə sığorta olunanın tibbi xidmət və dərman yardımı almasına təminat verir. T.Abbasova tibbi sığortadan kimlərin istifadə edə biləcəyi, agentliyin fəaliyyətinin məqsədləri, onun haqları, xidmətlər zərfi, xidmətlər zərfinin dərmanlar təminatı, arayışlar, xidmətlər zərfində hansı tibb xidmətlərindən istifadə oluna biləcəyi, tibbi xidmət almaq üçün hara müraciət edilməsi, ailə həkimi, ambulator və stasionar müayinə üçün qəbul qaydaları və gözləmə müddətinin tətbiqi şərtlər haqqında ətraflı məlumat verib.
Sonra ulu öndər Heydər Əliyev haqqında və icbari sığorta haqqında videoçarx nümayiş olunub.
Diskussiya xarakterli keçən tədbirdə iştirakçıların sualları cavablandırılıb.

 

 

Joomla 1.5