Xəbərlər

Rəna Hüseynovanın 70 illik yubileyi qeyd olundu

ÇapE-poçt

25.09.18 17:57

Rəna Yusif qızı Hüseynovanın anadan olmasının 70 illik yubileyi münasibətilə “Təbriz” restoranının tədbirlər zalında tədbir keçirilmişdir.

Çay süfrəsi ətrafında keçirilən tədbirdə Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədri Ramilə Seyidova Rəna Hüseynovanı 70 illik yubileyi münasibətilə təbrik etmişdir. Bildirilmişdir ki, Naxçıvan Muxtar Respublikası Ali Məclisi Sədrinin diqqət və qayğısı sayəsində muxtar respublikada qadınlarımızın əməyi yüksək qiymətləndirilir, ictimai-siyasi fəaliyyəti ilə dövlətimizə xidmət etmiş qadınların yubileyləri qeyd olunur.Bu məqamlar qadınlara göstərilən yüksək qayğının əyani təzahürüdür. Vurğulanmışdır ki,  yaşadığı mənalı insan ömrü ilə həyatın bütün xoşbəxtliklərinə çatmış, həmişə öz işindən zövq almışdır. 1948-ci il sentyabrın 25-də Şahbuz rayonunda anadan olmuşdur. 1967-ci ildə Bakıda M.F.Axundov adına Xarici Dillər İnstitutunun rus dili və ədəbiyyatı ixtisasını bitirmişdir. Əmək fəaliyyətinə 1972-ci ildə Ə.Ağayev adına İnternat Məktəbində rus dili müəllimi işləyərək başlamışdır. Həmin ildə Naxçıvan şəhər 9 nömrəli məktəbdə, 1974-cü ildə yenidən Ə.Ağayev adına İnternat Məktəbində, 1979-cu ildə Maarif şöbəsində rus dili üzrə metodist işləmişdir.

Qeyd olunmuşdur ki, Rəna Hüseynova 1984-cü ildə Maarif, ali məktəb, elm işçiləri Həmkarlar İttifaqı Naxçıvan şəhər Komitəsinin sədri vəzifəsinə seçilmişdir. 1992-ci ildə 705 №-li hərbi hissənin uşaq bağçasında müdir, 2011-ci ildə Naxçıvan şəhər Qarnizonu Zabitlər Evində Mədəni-bədii iş üzrə bölmənin müdiri vəzifəsində çalışmışdır. Müəllimlik peşəsinə, uşaqlara ömrünü həsr edən Rəna xanım 2012-ci ildən təqaüddədir. 40 il əmək fəaliyyətində məşğul olan Rəna Hüseynovanın eyni zamanda bir qızı və bir nəvəsi var.

Ardını oxu...

 

“Milli geyimlər" Festivalı keçirilmişdir

ÇapE-poçt

10.09.18 18:58

Sentyabr ayının 8-də “Naxçıvanqala” Tarix-Memarlıq Muzey Komplek­sin­də “Milli geyimlər" Festivalı keçirilmişdir.

Festivalda müxtəlif dövrlərə aid milli geyimlərin nümayişi, əl işlərinin sərgi-satışı, rəsm əsərlərinin sərgisi, milli adət-ənənələri və milli geyimləri özündə əks etdirən müxtəlif kompozisiyalar nümayiş olunmuşdur. Uşaq incəsənət və bədii sənətkarlıq məktəblərinin şagirdlərinin və məktəbdənkənar müəssisələrin dərnək üzvlərinin rəsm əsərləri və əl işlərindən ibarət sərgi, qadınların tikdiyi milli geyimlər və aksesuarlar,  üzərində milli ornamentlər təsvir olunmuş suvenirlər festivala gələnlər tərəfindən maraqla qarşılanmışdır. Festivalda Naxçıvan Dövlət Filarmoniyasının üzvlərindən və Naxçıvan Musiqi Kollecinin  tələbələrindən ibarət “Qədim musiqi alətləri” ansamblı, “Şərur” Xalq, “Nurani” və “Şərur qönçələri” yallı ansamblları, Naxçıvan Dövlət Filarmoniyasının və Naxçıvan Dövlət Uşaq Filarmoniyasının rəqs qruplarının ifasında Azərbaycan milli musiqisi və milli rəqslərindən ibarət konsert proqramı təqdim olunmuşdur.

Ardını oxu...

 
 

Sağlamlıq imkanları məhdud uşaqların təhsil hüquqlarının təmin olunması diqqət mərkəzində saxlanılır

ÇapE-poçt

10.09.18 18:34

Muxtar respublikada yaşayan bütün uşaqlar o cümlədən sağlamlıq imkanları məhdud uşaqlar hər zaman dövlətin diqqət və qayğısı ilə əhatə olunurlar. Onların hərtərəfli inkişafı, təhsil hüquqlarının təmin olunması, cəmiyyətə adabtasiyası və inteqrasiyası üçün ardıcıl olaraq tədbirlər görülür.  Naxçıvan Muxtar Respublikası Ali Məclisi Sədrinin 11 yanvar 2016-cı il tarixli Sərəncamı ilə “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyasi üzrə Dövlət Proqramı”nın təsdiq olunması və aid təşkilatlar tərəfindən bu proqramın icrası sağlamlıq imkanları məhdud uşaqların layiqli vətəndaş kimi formalaşması, cəmiyyətə inteqrasiya olunması üçün əlverişli şərait yaradır.

Ardını oxu...

 
 

Uşaqlara məktəbli ləvazimatlarının verilməsi ilə bağlı tədbir keçirilmişdir

ÇapE-poçt

05.09.18 15:22

Muxtar respublikamızda yaşayan uşaqlar, o cümlədən valideynlərini itirmiş və valideyn himayəsindən məhrum olmuş, sağlamlıq imkanları məhdud və aztəminatlı ailələrdən olan uşaqlar daim diqqət mərkəzində saxlanılır, onların sosial vəziyyətlərinin yaxşılaşması üçün tədbirlər görülür. Belə ki, uşaqların sağlam böyümələri, biliklərə yiyələnmələri, milli və mənəvi dəyərlərə sadiq vətəndaş kimi yetişmələri istiqamətində həyata keçirilən tədbirlər bu qəbildən olan uşaqlara göstərilən dövlət qayğısının bariz ifadəsidir.

Həmçinin Naxçıvan Muxtar Respublikası Ali Məclisi Sədrinin 2016-cı il 11 yanvar tarixli Sərəncamı ilə təsdiq edilmiş “2016-2020-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı”na uyğun olaraq bir sıra tədbirlər həyata keçirilir. Həmin tədbirlərin davamı olaraq 15 – sentyabr Bilik Günü ərəfəsində Naxçıvan Muxtar Respublikasının Təhsil, Əmək və Əhalinin Sosial Müdafiəsi nazirliklərinin və Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə yuxarıda adıçəkilən kateqoriyadan olan məktəblilərə geyim forması, məktəbli çantası və dərs ləvazimatları təqdim olunub.

Ardını oxu...

 
 

Muzeylər ziyarət olunur

ÇapE-poçt

28.08.18 12:30

Naxçıvan Muxtar Respublikası Ali Məclisi Sədrinin 2014-cü il 19 dekabr tarixdə imzaladığı “Muzeylərlə əlaqələrin daha da gücləndirilməsi haqqında” Sərəncama əsasən muxtar respublikanın bütün idarə, müəssisə və təşkilatlarının kollektivlərinin  muzeylərə gedişi təmin olunur. Avqustun 25-də Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin kollektivi Naxçıvan şəhərində fəaliyyət göstərən Xatirə Muzeyində olublar.

Muzeyin bələdçisi muzeyin eksponatları haqqında kollektivə ətraflı məlumat verib. Bildirib ki, 1997-ci ildə Naxçıvan Muxtar Respublikası Ali Məclisinin Sədri cənab Vasif Talıbovun Sərəncamı ilə Şəhidlər Muzeyi yaradılıb. Muzey 500 eksponatla fəaliyyətə başlayıb. 8 avqust 2000-ci il tarixdə muzeyin adı dəyişilərək Xatirə Muzeyi adlandırılıb.

Xatirə Muzeyi azərbaycanlılara qarşı 1905-1907-ci, 1918-1920-ci illərdə baş verən kütləvi soyqırımı aktlarını, həmçinin 1948-1953-cü illərdə azərbaycanlıların öz dədə-baba torpaqlarından deportasiyasını, 1990-cı il 20 Yanvar, 1992-ci il Xocalı faciələrini özündə əks etdirən eksponatlarla zəngindir. Muzeydə ermənilərin Bakıda, Şamaxıda, Qarabağda, Naxçıvanda və digər bölgələrimizdə törətdikləri vəhşilikləri əks etdirən sənədlər, şəkillər, hadisələri tarixi faktlarla oxuculara çatdıran qiymətli kitablar vardır.

Ardını oxu...

 
 

Səhifə 140 > 142-dən

Joomla 1.5