Xəbərlər

“Müstəqillik illərində Naxçıvan qadınlarının keçdiyi tarixi yol” mövzusunda tədbir keçirilmişdir.

ÇapE-poçt

07.03.20 19:19

Bu gün “8 mart Beynəlxalq Qadınlar Günü” münasibətilə C.Məmmədquluzadə adına Naxçıvan Dövlət Musiqili Dram teatrında “Müstəqillik illərində Naxçıvan qadınlarının keçdiyi tarixi yol” mövzusunda tədbir keçirilmişdir.

Tədbirdə Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədri Ramilə Seyidova çıxış edərək öncə tədbir iştirakçılarını və muxtar respublika qadınlarını təbrik etmiş, onlara uzun ömür, can sağlığı və gələcək işlərində uğurlar arzu etmişdir. Komitə sədri bildirmişdir ki, Azərbaycanda dövlət qadın siyasətinin təməl prinsipləri ulu öndərimiz Heydər Əliyevin adı ilə bağlıdır. Məhz Ulu Öndərin dövlət qadın siyasətinin həyata keçirilməsinə dair müəyyən etdiyi strateji xətt Azərbaycan xalqının fundamental dəyərlər sisteminə söykənir. Ümummilli Lider ölkəmizə rəhbərliyinin hər iki dövründə qadın amilinə yüksək dəyər verərək onların hüquqlarının müdafiəsi, problemlərinin həlli, dövlət idarəçiliyi sistemində təmsil olunması, bütün sahədə öz layiqli yerini tutması, cəmiyyətdəki mövqeyinin möhkəmləndirilməsi istiqamətində məqsədyönlü və ardıcıl tədbirlər həyata keçirmişdir.

Bu gün ölkəmiz qadın hüquqları sahəsində möhkəm milli hüquqi baza formalaşdırmaqla yanaşı, eynizamanda qadın hüquqlarına dair bir sıra beynəlxalq sənədlərə qoşulmuşdur.

 

Ardını oxu...

 

Muxtar respublikada qadınlar daim qayğı ilə əhatə olunurlar

ÇapE-poçt

07.03.20 18:51

8 Mart – Beynəlxalq Qadınlar Günü hər il Azərbaycanda və onun Naxçıvan Muxtar Respublikasında təntənəli şəkildə qeyd olunur. Azərbaycan qadını tarix boyu ictimai fəallığı, Vətənə sədaqəti, ailəyə bağlılığı, fədakarlığı və qəhrəmanlığı ilə seçilmişdir. Qadınlarımız ailə dəyərlərimizin formalaşmasında və möhkəmlənməsində misilsiz xidmətlər göstərmişlər. Ümummilli lider Heydər Əliyev ölkəmizə rəhbərliyinin hər iki dövründə qadın amilinə yüksək dəyər verərək onların hüquqlarının müdafiəsi, problemlərinin həlli, dövlət idarəçiliyi sistemində təmsil olunması, bütün sahələrdə öz layiqli yerini tutması, cəmiyyətdəki mövqeyinin möhkəmləndirilməsi istiqamətində məqsədyönlü və ardıcıl tədbirlər həyata keçirmişdir. “Zahiri gözəlliyi ilə daxili aləminin paklığının vəhdət təşkil etdiyi, öz səbri, təmkini ilə səciyyələnən Azərbaycan qadını dəyanət və sədaqət rəmzinə çevrilmişdir. Onun şəninə dastanlar qoşulmuş, ona dahilər və qəhrəmanlar anası deyilmişdir.

Ardını oxu...

 
 

Naxçıvanda “Qadınlar və güllər” adlı rəsm sərgisi açılıb.

ÇapE-poçt

07.03.20 18:48

Naxçıvan Muxtar Respublikası Rəssamlar Birliyinin ərazisində, açıq səma altında 8 Mart Beynəlxalq Qadınlar Gününə həsr olunmuş “Qadınlar və güllər” adlı rəsm sərgisi açılıb.

Tədbirdə Rəssamlar Birliyinin sədri, Azərbaycan Respublikasının Əməkdar rəssamı Ülviyyə Həmzəyeva çıxış edərək bildirib ki, qadın adı ülviyyətin, zərifliyin və gözəlliyin rəmzi kimi ölkəmizdə həmişə uca tutulub. Tariximizin hər bir səhifəsi Azərbaycan qadınının müdrikliyi, fədakarlıq və qəhrəmanlığının parlaq nümunələri ilə zəngindir. Milli varlığımızın ifadəsi olan çoxəsrlik milli mənəvi dəyərlərimizin yaranmasında və təşəkkül tapmasında, bu günlərədək yaşadılmasında qadınlarımızın misilsiz xidməti olub. Bu ülvi varlıq hər bir rəssamın yaradıcılığında ilham mənbəyi olub.

 
 

Həvayət Qurbanova ilə görüş keçirilmişdir

ÇapE-poçt

06.03.20 17:28

8 mart – Beynəlxalq Qadınlar Günü ərəfəsində Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin, Naxçıvan Şəhər İcra Hakimiyyətinin və Naxçıvan Muxtar Respublikasının Əmək və Əhalinin Sosial Müdafiəsi Nazirliyinin birgə təşkilatçı­lığı ilə Naxçıvan şəhərində yaşayan Sosialist Əməyi Qəhrəmanı, Prezident təqaüdçüsü Həvayət Qurbanova ilə görüş keçirilmişdir.

Tədbirdə Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədr müavini Aytən Məmmədova, Naxçıvan Şəhər İcra Hakimiyyəti başçısının müavini Təhminə Mustafayeva və Naxçıvan Muxtar Respublikasının əmək və əhalinin sosial müdafiəsi nazirinin müavini Canməmməd Canməmmədov çıxış edərək Sosialist Əməyi Qəhrəmanı, Prezident təqaüdçüsü Həvayət Qurbanovanı qarşıdan gələn 8 mart – Beynəlxalq Qadınlar Günü münasibətilə təbrik ediblər. Bildiriblər ki, muxtar respublikada bütün qadınlarımız, o cümlədən Həvayət Qurbanova kimi zəhmətkeş qadınlarımız daim dövlətimiz tərəfindən diqqət mərkəzində saxlanılır, onlara qayğı göstərilir.

Sonra tədbir iştirakçıları Həvayət Qurbanovaya gül buketi və hədiyyə təqdim etmişlər.

Ardını oxu...

 
 

Yəhya Allahverdiyev yeni vəzifəyə təyin edildi

ÇapE-poçt

06.03.20 17:18

Naxçıvan Muxtar Respublikası Ali Məclisinin Sədri Vasif Talıbov martın 6-da Yəhya Allahverdiyevin Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin sədri təyin edilməsi haqqında Fərman imzalayıb.

Fərmanda deyilir:

"Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:

Yəhya Salman oğlu Allahverdiyev Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyətinin sədri təyin edilsin".

Qeyd edək ki, Yəhya Allahverdiyev bundan əvvəl Naxçıvan Muxtar Respublikasının Dövlət Meliorasiya və Su Təsərrüfatı Komitəsinin sədr müavini vəzifəsində işləyib.

Xatırladaq ki, Naxçıvan Muxtar Respublikası Ali Məclisi Sədrinin bu gün imzaladığı digər Fərmanla Naxçıvan Muxtar Respublikasının Dövlət Meliorasiya və Su Təsərrüfatı Komitəsinin bazasında Naxçıvan Muxtar Respublikası Meliorasiya və Su Təsərrüfatı Açıq Səhmdar Cəmiyyəti yaradılıb.

 
 

Səhifə 6 > 142-dən

Joomla 1.5