Xəbərlər

Naxçıvan məktəblisi beynəlxalq yarışda birinci dərəcəli diplom və sertifikata layiq görülüb

ÇapE-poçt

20.03.20 14:02

Martın 17-də Rusiyanın Penza şəhərində “Elm və təhsil Beynəlxalq elmi əməkdaşlıq mərkəzi”ndə keçirilən “Müasir gənclərin elmi diskusiyası: aktual suallar, naliyyətlər və yeniliklər” XI Beynəlxalq elmi-praktik konfransının işinə yekun vurulub.

Konfransda “Sabahın tədqiqatçıları” layihəsi çərçivəsində Naxçıvan şəhər 15 nömrəli tam orta məktəbin IX sinif şagirdi İnci Nəsirlinin  “Biləv alüminium süxurundan alüminiumun mühüm birləşmələrinin alınması” layihəsinin nəticələri müzakirə edilib və I dərəcəli diplom və sertifikatla təltif olunub.

İnci Nəsirli və onun elmi rəhbəri AMEA Naxçıvan Bölməsi Təbii Ehtiyatlar İnstitutunun “Mineral xammalın kimyası və texnologiyası laboratoriyası”nın müdiri Qorxmaz Hüseynovun məqaləsi konfransın materiallarında dərc edilib.

Qeyd edək ki, “Sabahın tədqiqatçıları”  layihəsi AMEA Naxçıvan Bölməsi və Naxçıvan Muxtar Respublikası Təhsil Nazirliyinin birgə təşkilatçılığı ilə keçirilir.

 

Culfa şəhərində yanacaqdoldurma məntəqəsi istifadəyə verilib

ÇapE-poçt

20.03.20 09:27

Martın 19-da Culfa şəhərində yeni yanacaqdoldurma məntəqəsi istifadəyə verilib.

Bu münasibətlə keçirilən tədbirdə Naxçıvan Muxtar Respublikası Ali Məclisi Sədrinin köməkçisi Seymur Talıbov çıxış edərək bildirib ki, muxtar respublikamızda həyata keçirilən quruculuq tədbirləri davamlı xarakter alıb. Digər bölgələrimiz kimi Culfa rayonuna da bu quruculuq işlərindən pay düşüb. Görülən işlərin nəticəsidir ki, rayonun kənd yaşayış məntəqələri ilə yanaşı, Culfa şəhəri də xeyli gözəlləşib, mühüm infrastruktur layihələri həyata keçirilib. Yeni istifadəyə verilən yanacaqdoldurma məntəqəsi də görülən işlərin davamı olmaqla bərabər, həm də şəhərin abadlığına, yeni iş yerlərinin yaradılmasına töhfədir.

Naxçıvan Muxtar Respublikası Ali Məclisi Sədrinin köməkçisi Seymur Talıbov işçilərə uğurlar arzulayıb, yaradılan şəraitlə tanış olub.

Culfa rayon İcra Hakmiyyətinin başçısı Siyam Hacıyev yaradılmış şəraitə görə sakinlər adından Naxçıvan Muxtar Respublikası Ali Məclisinin Sədrinə minnətdarlığını bildirib.

Ardını oxu...

 
 

Naxçıvan Muxtar Respublikasına yeni kənd təsərrüfatı texnikaları gətirilib

ÇapE-poçt

19.03.20 09:51

Martın 18-də Naxçıvan Muxtar Respublikası Ali Məclisinin Sədri Vasif Talıbov “Naxçıvan Aqrolizinq” Açıq Səhmdar Cəmiyyəti tərəfindən alınmış yeni kənd təsərrüfatı texnikalarına baxıb.

Naxçıvan Muxtar Respublikasının Baş Nazirinin birinci müavini Elşad Əliyev məlumat verib ki, aqrar sahədə sistemli şəkildə həyata keçirilən islahatlar və aparılan kompleks işlər nəticəsində kənd təsərrüfatı yeni inkişaf mərhələsinə yüksəlib. Hazırda torpaq mülkiyyətçisi və fermerlər dünyanın qabaqcıl texnika və texnoloji avadanlıqlarından istifadə edirlər. Muxtar respublikada kənd təsərrüfatı məhsullarının intensiv amillər hesabına artırılması üçün yeni innovativ texnologiyaların tətbiqi davam etdirilir. Taxıl, kartof, qarğıdalı bitkilərinin əkilib-becərilməsi və yığılması tam mexaniki üsulla həyata keçirilir.

Yeni alınan texnikalara baxış zamanı bildirilib ki, ötən dövrdə “Naxçıvan Aqrolizinq” Açıq Səhmdar Cəmiyyəti tərəfindən 2 min 831 kənd təsərrüfatı texnikası alınaraq muxtar respublikaya gətirilib. Cari ildə isə sahibkarların texnika təminatını düzgün təmin etmək üçün onların sifarişləri əsasında 137 texnika və texnoloji avadanlıq alınaraq muxtar respublikaya gətirilib, həmin texnikalardan 24-ü lizinq yolu ilə sahibkarlara verilib.

Ardını oxu...

 
 

Əzimkarlığı və əməksevərliyi ilə özündən sonrakı nəsillərə örnək olan ictimai xadim, qəhrəman qadın!

ÇapE-poçt

17.03.20 00:29

Əsrlərin yaddaşında qalan izlər qadınlarımızın qəhrəmanlıqla dolu keçmişindən söz açır, onların göstərdikləri fədakarlıqlar, rəşadətlər bugünkü qadınlarımızın ilham qaynağına çevrilmişdir. Şərq dünyasında özünəməxsusluğu ilə seçilən Azərbaycan qadını istər əmək cəbhəsində, istərsə də mədəniyyət, incəsənət, iqtisadiyyat sahəsində yüksək işgüzarlıq, peşəkarlıq, zəhmətsevərlik nümayiş etdirərək nailiyyətlər qazanmışlar. Belə keşməkeşli inkişaf yolu keçmiş Azərbaycan qadınlarından biri də Sosialist Əməyi Qəhrəmanı, öz zəhməti ilə saysız-hesabsız medal və mükafatlara layiq görülmüş, dəfələrlə SSRİ və Naxçıvan MSSR Ali Sovetinin deputatı seçilmiş, xalqın elçisi adını qazanmış Bahar xanım Talıbovadır.
Xoş xatirə kimi bu gün yaddaşlarda yaşayan görkəmli əmək qəhrəmanı, şöhrəti dillərdə gəzən torpaq, zəhmət adamı Bahar xanım Talıbovanın adı keçmiş sovetlər birliyində ən uca tribunalarda çəkilən ictimai xadim, qürur, iftixar mənbəyidir. Çünki, əməksevər bu Azərbaycan qadını işi və əməli ilə nəinki öz ölkəsində, hətta ölkəmizin hüdudlarından kənarda da xalqımızın adını uca tutmuşdur. Budur əsl Azərbaycan qadını, budur əsl vətəndaş.

Ardını oxu...

 
 

Naxçıvan Muxtar Respublikası Ali Məclisində təltiflərin təqdimatı olub

ÇapE-poçt

16.03.20 17:24

Martın 16-da Azərbaycan Respublikasının orden, medal və fəxri adlarının, eləcə də Naxçıvan Muxtar Respublikasının fəxri adlarının və Naxçıvan Muxtar Respublikası Ali Məclisi Sədrinin mükafatının təqdimat mərasimi keçirilib.

Naxçıvan Muxtar Respublikası Ali Məclisinin Sədri Vasif Talıbov deyib: Ümummilli liderimiz Heydər Əliyevin yolunun uğurla davam etdirilməsinin nəticəsidir ki, ölkəmizdə sabitlik, inkişaf və tərəqqi vardır. Sabitlik, inkişaf və tərəqqi olan yerdə isə insanların əməyinə qiymət verilir, onlar dövlət mükafatları ilə təltif olunurlar. Bu gün təltif olunanlar da çalışdıqları sahələrdə fərqlənən insanlardır.

Ali Məclisin Sədri yüksək dövlət mükafatlarına layiq görülmələri və qarşıdan gələn Novruz bayramı münasibətilə təltif olunanları təbrik edib, fəaliyyətlərində uğurlar arzulayıb.

Sonra Ali Məclisin Sədri Azərbaycan Respublikasının və Naxçıvan Muxtar Respublikasının təltiflərini, eləcə də Naxçıvan Muxtar Respublikası Ali Məclisi Sədrinin mükafatını təqdim edib.

Ardını oxu...

 
 

Səhifə 3 > 142-dən

Joomla 1.5