Xəbərlər

Qız övladlarımızı gələcəyin Azərbaycan qadını kimi böyüdək” mövzusunda maarifləndirici tədbir keçirilib

ÇapE-poçt

27.11.23 15:08

 



2023-cü il 27 noyabr tarixində Şahbuz şəhərində “Qız övladlarımızı gələcəyin Azərbaycan qadını kimi böyüdək” mövzusunda maarifləndirici tədbir keçirilib.
Şahbuz Rayon İcra Hakimiyyəti Aparatının Yetkinlik Yaşına Çatmayanların İşləri və hüquqlarının müdafiəsi üzrə Komissiyanın məsləhətçi –psixoloqu Nübar Səfərova tədbiri giriş sözü ilə açaraq, keçirilən tədbirin əhəmiyyətindən danışıb.
Tədbirdə Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədr müavini Aytən Məmmədova çıxış edərək qeyd edib ki, “Azərbaycanın ailə modeli, ailə institutu ölkənin ən böyük mənəvi dəyərlərindən biridir və Azərbaycan ailəsi uzunömürlülüyü və möhkəmliliyi ilə dünyada ən yaxşı ailə modellərindən biridir. Vurğulanıb ki, ölkəmizdə ailə institutunun cəmiyyətdəki mövqeyinin möhkəmləndirilməsi, qadın və uşaqlar üçün əlverişli şəraitin yaradılması, məşğulluq, sağlamlıq, təhsil, sosial və digər sahələrdə gender bərabərliyinin inkişaf etdirilməsi istiqamətində mühüm işlərin görülməsi ölkədə həyata keçirilən uğurlu ailə, qadın və uşaq siyasətinin göstəricisidir. Ailə modeli, ailə dəyərləri və ailədə ailə dəyərlərinin yaşadılması, əxlaq normaları, ümumbəşəri dəyərlər məişətimizdə, adət-ənənələrimizdə mühafizə edilir və gələcək nəsillərə ötürülür. Ailədaxili münasibətlərin formalaşmasında, uşaqların tərbiyəsində ailə dəyərlərin mühüm rola malik olduğunu bildirən A.Məmmədova ailələrin möhkəm olması, ailədə hər iki tərəfin ailənin bütövlüyünün qoruması, o ailədə böyüyəcək övladların hərtərəfli və sağlam böyüməsi üçün ailə üzvlərinin qarşılıqlı anlaşaraq bu işin öhdəsindən gələ biləcəklərini qeyd edib.
Tədbirdə Aparatın Ailə, qadın problemləri və gender məsələləri şöbəsinin aparıcı məsləhətçisi Zərnigar Orucəliyeva slayd vasitəsilə çıxış edib. O, ailədə valideyn övlad münasibətləri, bəzi ailələrdə qız övladlarına ayrı-seçkiliyin qoyulması, onların təhsilinin və milli-mənəvi dəyərlər əsasında tərbiyəsinin təşkil olunması, qızlarımızın erkən nikahdan qorunması, qızların ailə qurmağa, nikaha daxil olmağa hazır olması, sosial şəbəkələrin ailələrə və uşaqlara təsirləri haqqında tədbir iştirakçılarına ətraflı məlumat verib.
Sonda tədbir iştirakçılarının sualları cavablandırılıb, müvafiq mövzularda 60 ədəd broşür paylanılıb. Eyni zamanda tədbir iştirakçıları arasında mövzu ilə əlaqədar yazılı şəkildə sorğu keçirilib. Tədbirdən 40 nəfər yararlanıb.

 

 

 

"Ailə, məktəb və cəmiyyət" mövzusunda maarifləndirici tədbir keçirilib

ÇapE-poçt

27.11.23 15:01

2023-cü il 27 noyabr  tarixdə Babək rayonunda  Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi,  Babək Rayon İcra Hakimiyyəti və Təhsil Şöbəsinin birgə təşkilatçılığı ilə "Ailə, məktəb və cəmiyyət" mövzusunda maarifləndirici tədbir keçirilib.

Tədbiri Babək Rayon İcra Hakimiyyəti Aparatının İctimai-siyasi və humanitar məsələlər şöbəsinin baş məsləhətçisi  Şəfa Babayeva  açaraq keçirilən tədbirin əhəmiyyətindən bəhs edib.

Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi Aparatının Uşaq şöbəsinin müdiri  Gülər  Əhmədova  bildirib ki, bu cür maarifləndirmə tədbirlərinin orta məktəblərdə keçirilməsinin əsas məqsədinin valideyn-məktəb-şagird münasibətlərini gücləndirmək, ailə mühitinin, məktəbin uşağın psixoloji durumuna təsirini öyrənmək, məktəb psixoloqlarının işinin gücləndirilməsi və daha səmərəli təşkil edilməsidir. Hər bir valideynin mütəmadi olaraq məktəblə sıx əlaqə qurmalı, şagirdin təlim-tərbiyəsi ilə maraqlanmalı, məktəbin idarə olunmasında iştirak etməli olduğunu qeyd edən G.Əhmədova valideyn övladının yalnız təlim fəaliyyəti, qiymətləri ilə yox, onun məktəb yoldaşları ilə münasibətini, maraqlarını, müəllimləri haqqında da fikirləri ilə maraqlanmağın vacibliyini də vurğulayıb.

Daha sonra mövzu ilə bağlı Babək Rayon Təhsil Şöbəsinin əməkdaşı,Gülzar Rüstəmova qeyd edib ki, bu gün təhsilin ən müxtəlif pillələrində bir yeniləşmə, canlanma hiss olunmaqdadır. Xüsusilə orta məktəblərimizdə aparılan dəyişikliklər təhsilimizin inkişafına, onun keyfiyyətinin yüksəlməsinə səbəb olmaqla yanaşı, müəllimlərimizin öz işlərinə daha yaradıcı şəkildə yanaşmasına, yüksək peşəkarlıq nümayiş etdirməsinə imkan yaradıb. Günün aktual məsələlərindən biri də valideyn-məktəb əməkdaşlığıdır. Bu məqsədlə bir sıra tədbirlərin həyata keçirilməsi çox böyük əhəmiyyət daşıyır.Orta məktəblərdə valideyn-məktəb-şagird münasibətlərini gücləndirmək, ailə mühitinin və məktəbin uşağın psixoloji durumuna təsirini öyrənmək hər zaman diqqətdə saxlanıldığını vurğulayıb.

Sonda məktəb psixoloqları, uşaq birliyi sədrləri və valideyn komitəsi sədrlərinin dusskusiya xarakterli fikir mübadiləsi olub, onları maraqlandıran suallar cavablandırılıb.

 
 

ÜMUMİ MÜSAHİBƏ ELANI

ÇapE-poçt

24.11.23 12:00


Azərbaycan Respublikası Prezidentinin 2017-ci il 21 iyun tarixli 1480 nömrəli Fərmanı ilə təsdiq edilmiş “Dövlət qulluğu vəzifəsinin tutulması məqsədi ilə müsahibə keçirilməsi Qaydası”na əsasən Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi Aparatında sədrinin köməkçisi və baş məsləhətçi - ictimaiyyətlə əlaqələr və informasiya təminatı üzrə vəzifələrinin tutulması üçün ümimi müsahibə elan edir.

Müsahibədə vakant vəzifənin aid olduğu dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları, azı 5 il qulluq stajı olan və dövlət orqanında inzibati vəzifələrdə çalışmış şəxslər iştirak edə bilər.

Ümumi müsahibədə iştirak etmək istəyən namizədlər 23 noyabr 2023-cü il tarixdən 22 dekabr 2023-cü il tarixədək  “Dövlət qulluğu üzrə müraciət Forması”nda tələb olunan müvafiq məlumatları Dövlət İmtahan Mərkəzinin İnternet portalına (https://exidmet.dim.gov.az/dqq/Elan/UmMshMshElanList?ElanID=530) daxil edərək məlumatların və sənədlərin aktuallığını və tamlığını təsdiq etməlidir.

Elan edilmiş müsahibədə iştirak üçün müraciət edən namizəd “Dövlət Qulluğu haqqında” Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir.

 
 

“20 noyabr-Ümumdünya Uşaq Günü” münasibətilə tədbir keçirilib

ÇapE-poçt

20.11.23 15:21


Heydər Əliyev Uşaq-Gənclər Yaradıcılıq Mərkəzində  Ümummilli lider Heydər Əliyevin anadan olmasının 100 illiyi ilə əlaqədar “20 noyabr-Ümumdünya Uşaq Günü” münasibətilə tədbir keçirilib.

Tədbir Azərbaycan Respublikasının Dövlət Himninin səsləndiriliməsi,  Ümummilli lider Heydər Əliyevin, akademik Zərifə Əliyevanın və şəhidlərin əziz xatirələrinin bir dəqiqəlik sükutla yad edilməsi ilə başlayıb.

Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi sədrinin müavini Aytən Məmmədova tədbirdə iştirak edən uşaqları 20 noyabr-Ümumdünya Uşaq Gunu münasibəti ilə təbrik edib. Qeyd edib ki, ölkəmizdə uşaqlara diqqət və qayğının dövlət siyasətinin əsas istiqamətlərindən biri kimi müəyyənləşdirilməsi ulu öndərimiz Heydər Əliyevin adı ilə bağlıdır. Dövlətin hüquq sisteminin əsasını təşkil edən Konstitusiya və qanunlarla uşaq hüquqlarına etibarlı təminat mexanizmləri yaradılıb. 1998-ci il 19 may tarixdə Azərbaycan Respublikasının “Uşaq Hüquqları Haqqında”, 1999-cu il 22 iyun tarixdə “Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” qanunları qəbul edilib. A.Məmmədova bildirib ki, Azərbaycan Respublikası Birləşmiş Millətlər Təşkilatının “Uşaq Hüquqları Haqqında”  Konvensiyasına qoşulub, “Uşaq Hüquqları Haqqında” Bəyannaməni qəbul edib.

Hal-hazırda Azərbaycan Respublikasının Prezidenti cənab İlham Əliyevin və ölkənin Birinci vitse prezidenti, Heydər Əliyev Fondunun prezidenti Mehriban xanım Əliyevanın qayğısı ilə ölkəmizdə uşaqların hərtərəfli inkişafı, layiqli vətəndaş kimi böyümələri üçün Dövlət Proqramları qəbul edilir, sosialyönümlü layihələr icra olunur.

Naxçıvan Muxtar Respublikasında uşaq hüquqlarının həyata keçirilməsinə dövlət nəzarəti həyata keçirilir və mütəmadi olaraq uşaq müəssisələrində və xüsusi qayğıya ehtiyacı olan uşaqların yaşadıqları ünvanlarda monitorinqlər təşkil olunur. Uşaqlara göstərilən dövlət qayğısının nəticəsidir ki, digər uşaqlarla yanaşı sağlamlıq imkanları məhdud uşaqların da vətənə layiq vətəndaş kimi yetişməsinə xidmət edir.

Muxtar respublika əhalisinin 27 faizini uşaqların təşkil etdiyini bildirən A.Məmmədova  uşaqların sağlamlığının qorunması, sağlamlıq tədbirlərinin yaxşılaşdırılması və uşaqlara müasir tələblərə uyğun tibbi xidmətin göstərilməsi diqqət mərkəzində saxlanıldığını qeyd edib.

Qeyd edib ki, Komitə tərəfindən  20 noyabr-Ümumdünya Uşaq Gunu ilə əlaqədar “Uşaq hüquqları uşaqların gözü ilə” mövzusunda esse və rəsm müsabiqəsinə 115 esse və 83 rəsm olmaqla ümumilikdə, 198 iş təqdim olunub.

Daha sonra Naxçıvan  Muxtar Respublikasının Mədəniyyət Nazirliyinin Aparat rəhbəri Piri Nağıyev və Təhsil Nazirliyi Aparatının Sektor müdiri Gülxanım Orucova çıxış ediblər.

Tədbirdə ümumtəhsil məktəblərinin şagirdləri arasında keçirilən “Uşaq hüquqları uşaqların gözü ilə” mövzusunda esse və rəsm müsabiqəsinin qalibləri Komitə tərəfindən  mükafatlandırılıblar.

Tədbir bədii hissə ilə davam edib.

Sonda müsabiqə qaliblərinin rəsm işlərindən ibarət sərgisinə  baxış olub.

 
 

Ailələrimizi tanıyaq” layihəsi çərçivəsində Əsədovlar ailəsi ilə görüş

ÇapE-poçt

15.11.23 16:01

 


Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi və Ordubad Rayon İcra Hakimiyyətinin birgə təşkilatçılığı ilə “Ailələrimizi tanıyaq” layihəsi çərçivəsində yeniyetmə və gənclərin iştirakı ilə 2023-cü il 15 noyabr tarixdə Ordubad rayon Üstüpü kəndində yaşayan uzunömürlü nümunəvi – evliliklərinin 68 illiyi tamam olan Əsədovlar ailəsində görüş keçirilib. Görüşdə Ordubad Rayon İcra Hakimiyyətinin əməkdaşı Mübariz Hüseynov, Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi Aparatının Ailə, qadın problemləri və gender məsələləri şöbəsinin müdiri Könül Babayeva, eləcə də fəal gənclər iştirak ediblər.
68 il bərabər ömür sürən Əsədovların 8 övlad (1-i vəfat edib), 19 nəvə və 32 nəticələri var. Nümunəvi uzunömürlülüyün sirri zəngin ailə dəyərlərinə bağlılıq qarşılıqlı hörmət və sevgidir deyən Məhəmməd Əsədov hər zaman həyat yoldaşına və övladlarına hörmət və qayğı ilə yanaşdığını qeyd edib. Heç bir zaman bir-birlərinə yalan demədiklərini bildirən Məhəmməd Əsədovun ömür-gün yoldaşı Ziyadə xanım sağlam ailənin təməli sevgi, səmimi münasibət, doğruluq üzərində qurulduğunu vurğulayıb.
Sonda Məhəmməd və Ziyadə Əsədovlar bütün ailələrə öz ailələri kimi uzunömürlü olmağı arzulayıblar.

 

 
 

Səhifə 8 > 401-dən

Joomla 1.5