Yeni xidmət mərkəzi ailə təsərrüfatları üçün də geniş imkanlar açır
05.02.21 19:59
http://aqupdk.nakhchivan.az/mtbuat-xidmti/xbrlr.html?start=1020#sigProId18b55e999b
Naxçıvan Muxtar Respublikası Ali Məclisinin Sədri Vasif Talıbov xidmət mərkəzində yaradılan şəraitlə tanış olub.
Məlumat verilib ki, mərkəzdə bərbərxana, gözəllik salonu, ət satışı yeri, ərzaq və təsərrüfat malları mağazaları, dərzi yeri və iki anbar vardır. Burada xidmət sahələrinin fəaliyyəti üçün nümunəvi şərait yaradılıb, 6 sakin işlə təmin olunub. Mağazada, əsasən, yerli sənaye və ərzaq, o cümlədən ailə təsərrüfatlarında istehsal olunan məhsulların satışına üstünlük verilir.
Mərkəzlə tanışlıqdan sonra sakinlərlə görüş olub.
Naxçıvan Muxtar Respublikası Ali Məclisinin Sədri Vasif Talıbov çıxış edərək deyib: Nüsnüs kəndi tamamilə abadlaşıb, yenidən qurularaq ölkəmizin müasir kəndləri sırasına daxil olub. Burada qurulanlar kəndin bütün sakinlərinin rahatlığına xidmət edəcəkdir. Bütün bunlar dövlətimizin vətəndaşına göstərdiyi qayğının nümunəsi, dövlət-xalq birliyinin, ölkənin iqtisadi inkişafının, sabitliyin, ən əsası isə ümummilli lider Heydər Əliyev siyasətinin, yolunun davam etdirilməsinin və bu yola sədaqətin göstəricisidir. Ölkəmiz uzun illər müharibə vəziyyətində, torpaqlarımız işğal altında idi. Lakin ölkəmizin iqtisadi gücü imkan verirdi ki, həm quruculuq işləri aparılsın, həm də ordu quruculuğu sahəsində tədbirlər həyata keçirilsin, torpaqlarımız işğaldan azad olunsun. Hər bir vətəndaş ölkənin möhkəmlənməsinə, iqtisadi inkişafına, sabitliyin qorunmasına töhfəsini verməlidir. Dövlət-xalq birliyi odur ki, vətəndaş dövləti üçün səy göstərir, çalışır, dövlət də vətəndaşı üçün lazım olan şəraiti yaradır. Nəticədə, insanların yaşayış səviyyəsi yaxşılaşır. Bu gün 2300-dən artıq sakinin yaşadığı Nüsnüs qəsəbə tipli kəndə çevrilib. Kənd sakinləri qurulub-yaradılanları qorumalı, kəndin abadlığı, təsərrüfatlar, xüsusilə ailə təsərrüfatları inkişaf etdirilməli və məskunlaşma artmalıdır. Kənd məktəbində hər il birinci sinfinə daxil olan şagirdlərinin sayı onu deməyə əsas verir ki, kənddə məskunlaşma yaxşıdır. Kəndin qurulmasında, abadlaşmasında, inkişafında sakinlərin də əməyi olub. Yaradılan şərait rahat yaşayışa imkan verəcəkdir. Ona görə də qurulanlar qorunmalı, hər bir sakin ölkəmizin inkişafına töhfəsini verməlidir.
Kənd ağsaqqalı Akif Cəlilov minnətdarlıq edərək deyib: "Bu gün kəndimiz muxtar respublikamızın digər bölgələri kimi abadlaşıb, gözəlləşib. Buna bütün kənd sakinləri sevinir. Çünki bu yenilik insanların həyatında və yaşayışında da özünü göstərir. Yeni tikilən müasir məktəb, kənd və xidmət mərkəzləri, ambulatoriya, yenidən qurulan yol, qədim su dəyirmanının bərpası böyük qayğının ifadəsidir. Ordubadda ötən illərdə qurulan elektrik stansiyaları isə rayonun ümumi inkişafına öz müsbət təsirini göstərməkdədir. İndiyədək Naxçıvan şəhərinə gələndə gördüyümüz gözəlliyin eynisini bu gün kəndimizdə də görə bilirik. Ötən ildən bütün dünyada pandemiyanın geniş yayıldığı və ölkəmizin ağır müharibədən çıxdığı bir dövrdə belə geniş quruculuq işlərinin həyata keçirilməsi respublikamızın sosial-iqtisadi inkişafının göstəricisidir. Bunlar gənclərimizin vətənpərvərlik ruhunda böyüməsinə böyük təsir göstərir. 44 günlük Vətən müharibəsində torpaqlarımızın işğaldan azad olunmasında Naxçıvandan olan hərbçilərin də göstərdiyi şücaət bunun bariz nümunəsidir. Əminəm ki, yaradılan bu şərait daha vətənpərvər və bütün sahələrdə nailiyyət əldə edəcək gənclərin yetişməsinə böyük töhfə olacaq".
Sağlamlığın qorunması gələcəyə təminatdır
05.02.21 19:55
Fevralın 5-də Nüsnüs kənd həkim ambulatoriyasının açılışı olub.
Naxçıvan Muxtar Respublikası Ali Məclisinin Sədri Vasif Talıbov ambulatoriyada səhiyyə xidmətinin təşkili ilə maraqlanıb.
Məlumat verilib ki, ambulatoriyada baş həkim, stomatoloq üçün kabinə, palata, doğuş, manipulyasiya, peyvənd, qeydiyyat və aptek otaqları vardır. Səhiyyə ocağı stomatoloji qurğu, doğuş masası, quruducu şkaf, peyvənd və təcili yardım çantaları, mikroskop, sentrifuqa və digər tibbi avadanlıqlarla təchiz olunub.
Gənc stomotoloq Yasər Hüseynzadə minnətdarlıq edərək deyib ki, həkim ambulatoriyaları əhalinin sağlamlığının keşiyində dayanan müasir səhiyyə ocaqlarıdır. Gənc kadrların tibb müəssisələrinə cəlb edilməsi onların təcrübələrini daha da təkmilləşdirir.
Ali Məclisin Sədri sakinlərin sağlamlığının daim diqqət mərkəzində saxlanılması, peyvənd və patronaj işinin təşkili, eləcə də səhiyyə maarifinə üstünlük verilməsi barədə tapşırıqlar verib.
Ordubad rayonunun Nüsnüs və Yuxarı Əndəmic kəndlərində geniş quruculuq işləri aparılıb
05.02.21 19:50
http://aqupdk.nakhchivan.az/mtbuat-xidmti/xbrlr.html?start=1020#sigProId0844d9669a
Fevralın 5-də Ordubad rayonunun Nüsnüs və Yuxarı Əndəmic kəndlərində yeni sosial obyektlər istifadəyə verilib.
Nüsnüs kənd məktəbində müasir tədris
şəraiti yaradılıb
Fevralın 5-də Ordubad rayonunun Nüsnüs kənd tam orta məktəbi istifadəyə verilib.
Naxçıvan Muxtar Respublikası Ali Məclisinin Sədri Vasif Talıbov məktəbin açılışını edib, yaradılan şəraitlə maraqlanıb.
Muxtar respublikada uşaq hüquqları qorunur
03.02.21 17:04
Naxçıvan Muxtar Respublikasında bütün sahələrdə olduğu kimi uşaq hüquqlarının qorunması istiqamətində də ardıcıl və məqsədyönlü tədbirlər həyata keçirilir.
Görülən işlərin davamı olaraq ilin əvvəlində təsdiq edilmiş Naxçıvan Muxtar Respublikasının Nazirlər Kabineti yanında Yetkinlik Yaşına Çatmayanların İşləri və Hüquqlarının Müdafiəsi üzrə Komissiyanın 2021-ci il üçün “İş Planı”na uyğun olaraq Naxçıvan Muxtar Respublikası Nazirlər Kabineti yanında Yetkinlik Yaşına Çatmayanların İşləri və Hüquqlarının Müdafiəsi üzrə Komissiyanın ekspert qrupu tərəfindən 2021-ci il 03 fevral tarixdə Sədərək rayon Sədərək Kənd Uşaq Bağçasında monitorinq keçirilmişdir. Keçirilən monitorinq zamanı təlim-tərbiyəyə cəlb olunan uşaqların məşğələlərdə iştirakı və tərbiyyəçilərin vahid proqram əsasında məşğələləri aparma prosesi, təsdiq olunmuş gün rejiminə, yemək qrafikinə əməl olunması, müəssisənin infrastrukturu və bu kimi digər sahələr yoxlanılmışdır. Həmçinin müəssisədə sanitar gigiyenik tələblərə əməl olunması, ümumiyyətlə uşaqların hüquqlarının qorunması ilə bağlı əhatə olunan sahələr yoxlanılmış, yoxlama nəticələri aktlaşdırılmış və aktın surəti aid orqana göndərilmişdir.
Muxtar respublikanın müvafiq dövlət orqanları fəaliyyət istiqamətlərinə uyğun olaraq uşaqların qanunvericiliklə müəyyən edilmiş hüquq və mənafelərinin qorunması ilə əlaqədar monitorinqləri bundan sonrada davam etdirəcəklər.
Ailə, qadın və uşaq hüquqları qorunur
03.02.21 15:24
Naxçıvan Muxtar Respublikasında ailə, qadın və uşaq hüquqlarının qorunması ötən ay da diqqətdə saxlanılmış, bununla əlaqədar bir sıra tədbirlər həyata keçirilmişdir.
Naxçıvan Muxtar Respublikası Nazirlər Kabinetinin 2013-cü il 23 yanvar tarixli 11 nömrəli Qərarı ilə təsdiq edilmiş “Naxçıvan Muxtar Respublikasında uşaq hüquqlarının həyata keçrilməsinə dair elektron məlumat bankının təşkili və aparılması Qaydası”na uyğun olaraq komitədə 2020-ci il ərzində Naxçıvan Muxtar Respublikasında uşaq hüquqlarının həyata keçrilməsinə dair elektron məlumat bankında mövcud vəziyyət ilə əlaqədar iclas keçirilmiş, yanvar ayında elektron məlumat bankına istifadəçilər tərəfindən 549 uşaq haqqında fərdi məlumatlar daxil edilmişdir.
Naxçıvan Muxtar Respublikası Ali Məclisi Sədrinin 2012-ci il 24 may tarixli Fərmanı ilə “Naxçıvan Мuxtar Respublikasında uşaq hüquqlarının həyata keçirilməsinə dövlət nəzarəti Qaydası”na uyğun olaraq 2020-ci il üçün uşaq hüquqlarının təmin edilməsi vəziyyətinə dair illik hesabat hazırlanmış, Naxçıvan Muxtar Respublikasının Nazirlər Kabineti yanında Yetkinlik Yaşına Çatmayanların İşləri və Hüquqlarının Müdafiəsi üzrə Komissiyanın iclası keçirilmiş və İş Planı təsdiq olunmuşdur. Həmçinin komissiya tərəfindən muxtar respublikada uşaq hüquqlarının təmin edilməsi vəziyyətinə dair illik hesabat hazırlanmışdır.
Ötən ay valideyn himayəsindən məhrum olmuş 2 uşağın qeydiyyatı aparılmışdır.
Başqa məqalələr...
- 2020-ci il ərzində Naxçıvan Muxtar Respublikasında uşaq hüquqlarının təmin edilməsi vəziyyəti ilə əlaqədar uğurlu nəticələr əldə olunmuşdur
- Qadının əmək hüquqları hansılardır?
- Səfərlə bağlı mətbuat bəyanatı olub
- İran İslam Respublikasının xarici işlər naziri Naxçıvan Muxtar Respublikasında səfərdə olub
Səhifə 205 > 402-dən